"Рома" бош мураббийи Жозе Моуриньо Лондоннинг "Челси" клубидан ижарага олмоқчи бўлган Ромелу Лукаку билан гаплашди. Эслатиб ўтамиз, португалиялик мутахассис бельгиялик футболчи билан "Челси" ва "Манчестер Юнайтед"да бирга ишлаган.
Журналист Николо Скиранинг ёзишича, Моуриньо Лукаку билан телефон орқали гаплашган ва уни "Рома"га ижара асосида ўтишга кўндирган. Римликлар "Челси" билан музокараларни бошлаб юборишган ва Ромелунинг йилига деярли 20 миллион евро маошини қоплашга тайёр.
Эслатиб ўтамиз, 2017 йилнинг ёзида Моуриньо Лукакунинг "Челси"дан воз кечиши ва "Эвертон"дан "Манчестер Юнайтед"га ўтишида муҳим роль ўйнаганди.
