Луис Рубиалес жума кунги матбуот анжуманида Испания Қироллик футбол федерацияси президенти лавозимидан кетишини эълон қилиши кутилганди. Бироқ, функционер кетмоқчи эмаслигини маълум қилди. Бу ҳақда "Реал"нинг собиқ дарвозабони Икер Касильяс фикр билдирди.
"Шармандалик", - деб ёзган Касильяс ижтимоий тармоқда ўзининг ғазабини билдирган.
Эслатиб ўтамиз, аввалроқ Луис Рубиалес танқидларга дучор бўлади. У жаҳон чемпионатида ғолиб чиққан Испания аёллар терма жамоасини тақдирлаш маросимида футболчининг лабларидан ўпди. Финалда испанлар Англияни 1:0 ҳисобида мағлуб этишди.
