Ҳужумкор ярим ҳимоячи Райан Фрейзер "Ньюкасл"дан "Саутгемптон"га ўтди. "Ньюкасл" 29 ёшли шотландиялик футболчининг 2023/2024 йилги мавсум охиригача ижара асосида "авлиёлар" сафига ўтганини расман эълон қилди.
Райан Фрейзер “Ньюкасл”да 2020 йил сентябридан бери ўйнаб келмоқда. Ўшандан бери у 59 та расмий ўйинда майдонга тушиб, ўз ҳисобига 3 та гол ва 6 та голли узатма ёздириб қўйган.
Эслатиб ўтамиз, ўтган мавсум якунларига кўра, "Саутгемптон" Премьер-лигадан Чемпионшипга тушиб кетганди. Англияда иккинчи ўриндаги футбол дивизионининг дастлабки учта турида жанубийлар етти очкони қўлга киритишга муваффақ бўлишди.
