"Бавария" фахрий президенти Ули Хёнесс клуб мунтазам равишда 100 миллион евро ёки ундан кўпроқ эвазига ўйинчиларни сотиб олишни ният қилмаслигини айтди.

Мюнхен клуби яқинда "Тоттенхэм"дан 100 миллион евро эвазига Харри Кейн трансферини амалга оширди. Бундан ташқари, ишончли маълумотларга кўра, агар бонуслар фаоллаштирилса, "шпорлар" яна 20 миллион ишлаб олади.

"100 миллион евролик трансферлар "Бавария" учун одатий ҳолга айланадими? Йўқ. Ишончим комилки, клуб ҳар йили футболчиларга бундай маблағ сарфламайди. Кейн билан боғлиқ вазият алоҳида, чунки Кейннинг ўзи ҳам алоҳида ўйинчи”, - деди Хёнесс Welt нашрига берган интервьюсида.

"Бавария"нинг иккита ўйинида Харри Кейн гол урди ва голли узатмани амалга оширди.