Ҳужумчи Алексис Санчес Франциянинг “Марсель” клубини тарк этиши ҳақида фикр билдирди.

"Агар "Марсель" ҳақида гапирадиган бўлсак, мен бу клуб ҳақида ҳеч қандай ёмон нарса дея олмайман. Ҳаммаси учун уларга раҳмат айтаман. Мени доим қўллаб-қувватлаганингиз учун ташаккур. Мени яхши ва ёмон дамларда қўллаб-қувватлаган маҳаллий мухлисларга катта раҳмат. "Марсель"да ажойиб вақт ўтказдим, - деди чилилик форвард.

Аввалроқ матбуотда Алексис фаолиятини "Интер"да давом эттириши ҳақида хабарлар тарқалган эди. 34 ёшли жанубий америкалик футболчи 2019 йилдан 2022 йилгача “нерадзуррилар” сафида тўп тепган.