Чилилик вингер Алексис Санчес "Интер"га текинга ўтди.
Чилилик футболчи “нерадзуррилар” сафида 109 та ўйинда майдонга тушиб, 20 та гол урган ва 3 та совринни қўлга киритган.
Футболчи “нерадзуррилар” билан 2024 йилнинг 30 июнига қадар шартнома имзолади. "Хуш келибсиз, Алексис", - дейилади "Интер" клуби матбуот хизматининг расмий баёнотида.
Эслатиб ўтамиз, Санчес 2019/20-йилги мавсумда ва 2020 йилнинг 1 сентябридан 2022 йилнинг 10 августига қадар "Интер" сафида ўйнаган. Чилилик футболчи ўтган мавсумни "Марсел"да ўтказди ва у ерда барча турнирларда 44 та ўйин ўтказиб, 18 та гол ва 3 та голли узатмани амалга оширди.
