"Шеффилд Юнайтед" ҳужумчи Кемерон Арчер билан шартнома имзолаганини эълон қилди.
21 ёшли инглиз футболчиси билан 4 йиллик шартнома имзоланган. Ҳужумчи 10-рақам остида ўйнайди.
Инсайдер Фабрицио Романонинг ёзишича, "Шеффилд" футболчи учун 22 миллион евро (18,5 миллион фунт) тўлаган.
Арчер ўтган мавсумда "Мидлсбро"да ижара асосида ўйнади. 20 та ўйинда у 11 та гол урди ва 6 та голли узатмани амалга оширди.