Англиянинг "Лестер" клуби Истанбулнинг "Галатсарой" клуби вингери – 23 ёшли Юнус Акгюнни ўз сафига қўшиб олди. Бу ҳақда "тулкилар" матбуот хизмати хабар берди.
Футболчи Англияга 500 минг евролик ижара шартномаси бўйича кўчиб ўтди. Ижара муддати жорий мавсум охирида тугайди.
"Лестер"нинг янги футболчисининг асосий позицияси ўнг қанот ярим ҳимоячиси, бироқ у баъзида қанотни ўзгартириб, марказий ҳужумчи сифатида ўйнай олади. Transfermarkt портали ёш футболчини 7 миллион еврога баҳоламоқда.
Эслатиб ўтамиз, "Лестер" Чемпионшипнинг дастлабки тўрт туридан сўнг турнир жадвалида пешқадам бўлиб турибди. "Тулкилар"да 12 очко бор.
