Бирмингемнинг «Астон Вилла» клуби бош мураббийи Унаи Эмери АПЛ 3-турида «Бёрнли»га қарши ўйиндан сўнг ОАВга ўз фикрларини билдириб ўтди. «Шерлар» 3:1 ҳисобида ғалаба қозонишди.
«Мен ғалабадан жуда хурсандман. Мухлисларимиз биз билан бирга эди, улар Бирмингемдан ўйинни жонли томоша қилиш ва жамоани қўллаб-қувватлаш учун келишди.
Биз бундан жуда хурсанд бўлдик. Уларнинг қўллаб-қувватлаши билан жамоа ўзини анча ишончли ҳис қилмоқда.
Бу ғалаба лигада яна ҳам ўсишимиз учун муҳим», - дея испаниялик мураббийнинг сўзларини келтирган клуб матбуот хизмати.
