"Лацио" бош мураббийи Маурицио Сарри А Сериянинг 2-турида "Женоа"дан учралган мағлубият (0:1) ҳақида фикр билдирди.

"Биз, албатта, "Лечче"га қарши ўйинга нисбатан, ҳеч бўлмаганда, менталитетимиз нуқтаи назаридан олдинга силжишга эришдик. Биз бошида бироз қўрқоқ эдик, кейин 20-дақиқадан бошлаб анча яхши ҳаракат қила бошладик. Бизда ҳужумларни етарлича якунланмадик, чунки ҳужумчиларимиз ҳали ҳам ўз формасини излашмоқда.

Бугунги ўйин натижаси анча ноҳақ кўринса-да, ўзгаришлар бор. Бу биз олдинга янада кўпроқ қадам ташлашимиз кераклигини англатади.

Август ойида сафимизга қўшилган янги футболчиларимизнинг аҳволидан хавотирдаман. Улардан баъзилари эркин агент сифатида келишди, бошқалари эса ўз жамоаларини тарк этишди ва шунинг учун ҳафталар давомида машғулот ўтказмадилар.

Бундай шароитда ажойиб формада бўла олмаслигимиз аниқ. Аммо, агар йигитларнинг масалага муносабати мен сўнгги 70 дақиқада кўргандек бўлса, тез орада бу билан шуғулланамиз.

Дастлабки 20 дақиқа жуда ёмон ўтди. Кўпинча ўз майдонимизда тўпни йўқотиб қўйдик, бу эса бизни заифлаштирди. Одатда ҳужумчиларимизнинг тоифаси муваффақиятга эришишимизга ёрдам беради, аммо бугун биз рақиб ҳимоясини бузиб ололмадик.

Милинкович-Савич ўз танловини қилди, бу ҳақда гапиришни давом эттиришдан маъно йўқ. Биз бошқа ечимларни топишимиз керак.

Охирида иккита марказий ҳужумчи билан ўйнашни бошлаганимизда содир бўлган воқеа менга ёқмади, чунки бундан кейин ўйинимиз бироз тартибсиз бўлиб кетди”, - деди Сарри Sky Sport Italia нашрига.