Франкфуртнинг «Айнтрахт» клуби «ПСЖ» билан франциялик ҳужумчи Уго Экитике трансфери борасида келишувга эришди, деб хабар беради Foot Mercato.
Манба берган хабарга кўра, француз клуби «Айнтрахт» таклифини қабул қилган. Тахминларга кўра, Экитике парижликларнинг яқиндан қизиқишига сабаб бўлган Рандаль Коло-Муани ўрнига ўтади. Айни дамда немис клуби футболчи билан келишиб олиши керак.
Экитике 2022 йилнинг ёзида «Реймс»дан «ПСЖ»га ўтган эди. Ўшандан бери у 32 та ўйинда майдонга тушиб, 4 та гол урди ва 4 та голли узатмани амалга оширди.