Frankfurtning «Ayntraxt» klubi «PSJ» bilan fransiyalik hujumchi Ugo Ekitike transferi borasida kelishuvga erishdi, deb xabar beradi Foot Mercato.

Manba bergan xabarga ko‘ra, fransuz klubi «Ayntraxt» taklifini qabul qilgan. Taxminlarga ko‘ra, Ekitike parijliklarning yaqindan qiziqishiga sabab bo‘lgan Randal Kolo-Muani o‘rniga o‘tadi. Ayni damda nemis klubi futbolchi bilan kelishib olishi kerak.

Ekitike 2022 yilning yozida «Reyms»dan «PSJ»ga o‘tgan edi. O‘shandan beri u 32 ta o‘yinda maydonga tushib, 4 ta gol urdi va 4 ta golli uzatmani amalga oshirdi.