«Эвертон»га янги келган Бету «Удинезе» тарихига кирди.
25 ёшли футболчи трансфери учун «ирисчилар» 25 миллион евро тўлади. Бонус баллари фаоллаштирилганда транзакциянинг умумий қиймати 30 миллион еврога етади.
Шу тариқа, Transfermarkt маълумотларига кўра, Бету «Удинезе»нинг барча даврлардаги иккинчи энг қиммат трансфери бўлди.
Бу борада пешқадам 2021 йилда 35 миллион евро эвазига «Атлетико Мадрид»га ўтган жаҳон чемпиони Родриго де Пауль бўлиб қолмоқда.
«Удинезе» таркибида Бету жами 65 та ўйин ўтказиб, рақиблар дарвозасига 22 бор зарба йўллаган. Португалиялик футболчининг «Эвертон» билан шартномаси 2027 йилнинг ўрталарига қадар тузилган.
