"Ливерпуль" ҳужумчиси Муҳаммад Салоҳ шу ҳафта охиригача жамоани тарк этиши мумкин. Журналист Ян Ааг Фйотофтнинг ёзишича, мисрлик футболчи Саудия Арабистонига кўчиб ўтишга яқин турибди.
Эслатиб ўтамиз, аввалроқ "Ал-Иттиҳод" Муҳаммад Салоҳ учун 150 миллион евро тўлашга тайёрлиги ҳақида хабар берилганди. Футболчининг шартномаси тугашига икки йил қолди, шунинг учун "Ливерпуль" Салоҳни сотиши мумкин, чунки бир йилдан сўнг мисрликнинг нархи анча паст бўлади.
"Ал-Иттиҳод" сафида Салоҳ шу ёзда "Ливерпул"ни тарк этган ярим ҳимоячи Фабиньо билан яна учрашиши мумкин. Бу жамоада Карим Бензема ва Н’Голо Канте каби юлдузлар ҳам бор.
