"Бавария" ярим ҳимоячиси Леон Горецка Германия терма жамоаси бош мураббийи Ханс Дитер-Фликнинг уни сентябрь ойидаги ўйинлар қайдномасига киритмаслик ҳақидаги қароридан ҳайратда қолди.
“Барчангиз биласизки, мен Германия терма жамоасида ўйнаганимдан нақадар фахрланаман. Мен қайдномага кирмаганимдан жуда хафа бўлдим. Бу қарор мен учун кутилмаган бўлди. Сўнгги ҳафталарда ўзимни яхши ҳис қилдим ва терма жамоа ўйинига ҳисса қўшиш имкониятини интиқлик билан кутдим. Шу билан бирга, мураббийнинг қарорини ҳурмат қилишим ва астойдил ишлашда давом этишим керак”, - деб ёзади Горецка ижтимоий тармоқда.
