Жуд Беллингем кетма-кет тўртинчи ўйинда "Реал Мадрид" сафида рақиб дарвозасини ишғол қилди.

Ярим ҳимоячи кеча Ла Лиганинг 4-тури доирасидаги "Хетафе"га (2:1) ғалаба тўпини киритди.

20 ёшли англиялик футболчи дастлабки уч турнинг ҳам ҳар бирида гол урганди, жумладан, "Альмерия"га қарши ўйинда (3:1) дубль қайд этди.

Ла Лиганинг дастлабки 4та ўйинида голлар билан бошлаган "Реал"нинг сўнгги футболчиси Криштиану Роналду эди. Ўшанда у 2009/10 йилги мавсумда кетма-кет 4 та ўйинда 5 та гол урган. 5-ўйинда унинг серияси узилди.

Португалияликдан олдин фақат Пепильо 1960 йилда 4 ўйинда гол уришга муваффақ бўлган.