Жуд Беллингем "Реал Мадрид" сафида шу пайтгача барча расмий ўйинларда гол урган.
Шанба куни ярим ҳимоячи иккинчи бўлимга қўшиб берилган дақиқаларда гол уриб, "Хетафе" устидан "қаймоқранглилар"га ғалаба келтирди. Учрашув 2:1 ҳисобида якунланди.
Squawka маълумотларига кўра, Беллингем XXI аср бошидан бери Криштиану Роналду, Златан Ибраҳимович ва Сеск Фабрегасдан кейин Ла Лиганинг дастлабки тўртта ўйинида гол урган тўртинчи футболчи бўлди.
Дортмунднинг "Боруссия"сидан 103 миллион еврога сотиб олинган 20 ёшли инглиз футболчиси бунгача "Атлетик" ва "Сельта" дарвозасига бир мартадан, "Альмерия"га эса 2 бор тўп киритганди.
