"Барселона" бош мураббийи Хави Ла Лиганинг 4-тури доирасидаги "Осасуна" устидан қозонилган ғалаба (2:1) ҳақида фикр билдирди.

"Рақиб ҳимояда ажойиб ҳаракат қилди. Тўпни назорат қилганимизда етарлича вазиятлар ярата олмадик. Лекин биз ҳамма учун қийин бўладиган стадионда муҳим уч очкони қўлга киритдик.

Биз самаралироқ ўйнашимиз керак. Иккинчи бўлимда тўп билан яхшироқ ишлашимиз керак эди, шу жиҳатни машқ қиляпмиз. Яккама-якка ўйнамадик, қанотларда етарлича вазиятлар ярата олмадик.

Ғалабадан кўнглим тўлди, лекин олдинга қадам ташлашим керак. "Кадис"га қарши ҳам муаммоларимиз бор эди. Мисол тариқасида "Вильярреал"га қарши ўйиннинг иккинчи бўлимида майдон ўртасини кесиб ўтишга йўл қўймадик.

12 очкодан 10 очко - бу яхши натижа", — деди Хави Mundo Deportivo билан суҳбатда.