Саудия Арабистони клуби делегацияси "Ливерпул"ни Муҳаммад Салоҳни сотишга кўндириш учун Лондонга етиб келди.
"Ливерпуль" ўтган пайшанба куни "Ал-Иттиҳод"нинг Салоҳни сотиб олиш бўйича 150 миллион фунтлик таклифини рад этди. Ўшандан бери "қизиллар" бош мураббийи Юрген Клопп Муҳаммад Салоҳ ҳеч қаерга кетмаслигини бир неча бор айтган эди.
Бироқ, "Ал-Иттиҳод" Салоҳнинг ўзи бу трансферга очиқ эканлигига ишонч билдирмоқда. Шу боис Саудия клуби ўз вакилларини музокаралар учун Лондонга юборди.
Daily Mail нашри хабарига кўра, саудияликлар 31 ёшли мисрлик футболчи учун таклифни яқин 48 соат ичида 200 миллион фунтга оширишлари кутилмоқда.
Саудия Арабистони сешанба кунигача Салоҳ бўйича музокараларда муваффақият қозонишга умид қилмоқда. Акс ҳолда, "Ал-Иттиҳод" пайшанба куни трансфер ойнаси ёпилишидан олдин муқобил мақсадларга ўтади.
