"Вулверхэмптон"нинг португалиялик вингери Даниэл Поденсе яқин орада "Олимпиакос"га ўтишга яқин турибди. Бу ҳақда журналист Фабрицио Романо ўзининг “Twitter”ида хабар берди.
Манбага кўра, ҳозирда томонлар келишувни имзолашни якунлашмоқда. Португалиялик ҳужумкор футболчи “Олимпиакос” сафида Европа лигасида ўйнай олади.
Эслатиб ўтамиз, Поденсе 2018 йилдан 2020 йилгача "Олимпиакос" сафида тўп тепган. 2022/2023 йилги мавсумда португалиялик футболчи "бўрилар" сафида барча мусобақаларда 38 та ўйинда майдонга тушиб, 6 та гол ва битта голли узатмани амалга оширган. Футболчининг амалдаги клуби билан шартномаси 2024 йилнинг июнь ойи охиригача амал қилади.
