"Ливерпуль" "Рома" аёллар жамоасининг норвегиялик футболчиси Софи Хауг билан шартнома имзолаб, трансфер рекордини янгилади, деб хабар бермоқда TEAMtalk.
Сўнгги жаҳон чемпионатида ҳужумчи Филиппин терма жамоасига қарши ўйинда хет-трик қайд этганди. Норвегияликлар плей-оффга чиқишга муваффақ бўлишди, аммо 1/8 финал босқичида японияликларга 1:3 ҳисобида имкониятни бой беришди. Миллий терма жамоа даражасида Софи барча ўсмирлар ва ёшлар жамоаларида ўйнаган ва катталар даражасида у 11 ўйин ўтказиб, саккизта гол урган.
"Рома"да 24 ёшли аёл футболчи 2022 йилда 25 ўйин ўтказиб, 11 гол уришга муваффақ бўлди. Илгари Хауг Норвегиянинг "Квиннер" клубида ўйнаган.
Футболчининг трансфер нархи қўшимча харажатларни ҳисобга олган ҳолда 117 000 еврони ташкил қилади.
Аёллар Суперлигасининг сўнгги мавсумида "Ливерпуль" клуби еттинчи ўринни эгаллади.
