Ҳозирда Бразилиянинг "Фламенго" клубида ўйнаётган 36 ёшли ҳимоячи Давид Луис Европага қайтиши мумкин.
Todofichajes нашри хабарига кўра, "Бешиктош" клуби тажрибали футболчининг хизматларига қизиқиш билдирмоқда.
Туркия гранди ёзги трансфер ойнаси ёпилгунга қадар жанубий америкалик футболчининг трансферини расмийлаштирмоқчи. Туркияда трансфер бозорининг охирги муддати 8 сентябргача.
Луиснинг Бразилия клуби билан амалдаги шартномаси шу йилнинг декабрь ойи охирида якунига етади.
Европада Давид "Бенфика", "Челси", "ПСЖ" ва "Арсенал" клубларидаги ўйинлари билан танилган. У 2021 йилда "Фламенго"га ўтган.
