“Наполи” ярим ҳимоячиси Хвича Кварацхелия йил якунига кўра дунёнинг энг яхши футболчисига бериладиган “Олтин тўп” мукофотига номзод бўлди, дея хабар бермоқда мукофоти асосчиси France Football.
22 ёшли грузиялик биринчи марта йилнинг энг яхши футболчиси номига даъвогарлар рўйхатига киритилди.
Кварацхелия 2022 йилнинг июлидан буён “Наполи” сафида тўп тепади ва неаполликлар сафида барча мусобақаларда 45 та ўйинда майдонга тушиб, 14 та гол ва 18 та голли узатмани амалга оширди.
2023 йилги “Олтин тўп”ни топшириш маросими 2023 йил 30 октябрь куни Парижда бўлиб ўтади.
