“Napoli” yarim himoyachisi Xvicha Kvarasxeliya yil yakuniga ko‘ra dunyoning eng yaxshi futbolchisiga beriladigan “Oltin to‘p” mukofotiga nomzod bo‘ldi, deya xabar bermoqda mukofoti asoschisi France Football.

22 yoshli gruziyalik birinchi marta yilning eng yaxshi futbolchisi nomiga da’vogarlar ro‘yxatiga kiritildi.

Kvarasxeliya 2022 yilning iyulidan buyon “Napoli” safida to‘p tepadi va neapolliklar safida barcha musobaqalarda 45 ta o‘yinda maydonga tushib, 14 ta gol va 18 ta golli uzatmani amalga oshirdi.

2023 yilgi “Oltin to‘p”ni topshirish marosimi 2023 yil 30 oktyabr kuni Parijda bo‘lib o‘tadi.