"Аталанта"нинг чап қанот ҳимоячиси Маттео Руджери "Милан" манфаатлари доирасига тушиб қолди.

21 ёшли футболчи мавсумни ажойиб бошлади, А Сериянинг барча учта ўйинида майдонга тушди ва иккита голли узатмани амалга оширди. Журналист Экрем Конурга кўра, "Милан" ва "Интер" латералнинг муваффақиятини диққат билан кузатиб бормоқда. Ҳар икки клуб ҳам келажакда истиқболли футболчи учун курашмоқчи.

Transfermarkt портали экспертлари Маттео Руджерининг нархини 4 миллион еврога баҳоламоқда. Италия ёшлар терма жамоаси ҳимоячисининг Бергамо клуби билан шартномаси 2026 йилнинг ўрталарига қадар тузилган.