"Милан" билан муваффақиятга эришишдан олдин Стефано Пиоли турли клубларда, жумладан, "Лацио"да ишлаган. Ўша пайтда "Лацио"да ўйнаган бразилиялик ҳужумчи Фелипе Андерсон Пиоли билан ҳамкорлик қилганини илиқ эслайди.
- Тўғрисини айтсам, Пиоли қўл остида “Лацио”даги фаолиятим чўққисига чиққанди. У менинг ўсишимга ёрдам берган жуда кучли мураббий. Менга ишонч керак эди ва у менга бу туйғуни берди", - дея Фелипе Андерсон сўзларини келтиради pianetamilan.it.
Стефано Пиоли 2014 йилдан 2016 йилгача Рим клубига устозлик қилган ва 2019 йилдан буён ҳозирги жамоаси "Милан"да ишламоқда.
