"Ливерпуль" ҳимоячиси Виржил ван Дейк "Ньюкасл"га қарши (1:2) АПЛ 3-тур учрашувида ҳакамни ҳақорат қилгани учун дисквалификация муддати узайтирилгани ва 100 минг фунт жарима солингани ҳақида фикр билдирди.
“Мен ҳакамлар қўмитаси қарорини тўлиқ қабул қилишимни аниқ айтаман. Бу менинг "Ливерпуль"даги фаолиятимдаги биринчи қизил карточка. Мен кескин ва қизғин дақиқаларда умидсизлик мени енгишига йўл қўйдим. Ўйиндан сўнг мен расмийлардан узр сўрадим. Тўлиқ жавобгарликни ўз зиммамга оламан”, — деб ёзди ҳимоячи ижтимоий тармоқларда.
