"Брайтон" қанот ҳимоячиси Каору Митома билан шартномани узайтиришдан умидини узгани йўқ. Журналист Фабрицио Романо берган маълумотларга кўра, "чайкалар" топ клублар қизиқиш билдираётганига қарамай, 26 ёшли япониялик билан узоқ муддатли шартнома имзолашга умид қилишмоқда.

Олдинроқ Митомага "Манчестер Сити" ва "Ливерпуль" қизиқиш билдираётгани ҳақида хабар берилганди. Япониялик футболчининг "Брайтон" билан шартномаси 2025 йилгача мўлжалланган.

Янги мавсумда Митома Англия премьер-лигасида бир гол ва учта голли узатмани амалга оширишга муваффақ бўлди.