"Манчестер Юнайтед"нинг собиқ ҳужумчиси Энди Коул манкунианликлар ҳужумчиси Энтони Марсьялни танқид қилди.
"Марсьяль "Манчестер Юнайтед"да 8 йилдан бери ўйнамоқда, бироқ у 100 та гол ҳам ура олмади. Бу ақлга сиғмайди. У "Манчестер Юнайтед"нинг марказий ҳужумчиси ва бир қанча фантастик жамоаларда ўйнаган. Унинг мавсумдаги энг яхши натижаси чемпионатдаги 17 та гол.
Унда "Юнайтед"га қанчалик яхши эканини кўрсатиш учун етарлича вақт ва имконият бор эди, аммо афсуски, у буни уддалай олмади", - дея Коул сўзларини келтирмоқда Sportskeeda.
27 ёшли франциялик футболчи 2015 йилдан буён “Манчестер Юнайтед”да ўйнаб келмоқда. У жамоа сафида 301 та ўйин ўтказиб, 88 та гол урган ва 53 та голли узатмани амалга оширган.
