"ПСЖ" вингери Усмон Дембеле Франция терма жамоасининг ҳозирги савияси ҳақидаги саволга жавоб берди.
Яқинда Евро-2024 саралаши доирасида бўлиб ўтган Ирландия рақибларига қарши ўйинда французлар 2:0 ҳисобида ғалаба қозонишди. “Уч ранглилар” беш турдан сўнг бирорта ҳам гол ўтказмасдан ва тўплар фарқи 11:0 билан ўз саралаш гуруҳида ишончли пешқадамлик қилмоқда.
“Менимча, ҳозирги Франция терма жамоаси мен ўйнаган энг яхши жамоа. Бу ерда ҳар бир позицияда жиддий рақобат бор - дунёнинг энг яхши клубларида тўп тепадиган юқори савияли футболчилар ҳамма жойда намойиш этилади. Бу ажойиб, чунки рақобат ҳаммани 100 фоиз борини беришга мажбур қилади”, деди Дембеле Telefoot нашрига берган интервьюсида.
