"Бавария" бош мураббийи Томас Тухель Германия терма жамоасини бошқариши мумкин.

Якшанба куни Ханс-Дитер Флик Германия терма жамоаси бош мураббийи лавозимини тарк этди. 90min хабарига кўра, "Бавария"да жорий йилнинг баҳоридан бери ишлаб келаётган Тухель бўш ўрин учун номзодлар қаторида. Тахминларга кўра, мутахассисга мавсум охиригача Мюнхен клубидаги фаолиятини терма жамоадаги фаолияти билан бирлаштиришга рухсат берилади, шундан сўнг мураббий миллий терма жамоани тўлиқ бошқаради ва у билан бирга 2024 йилги Европа чемпионатини ўтказади.

Флик ўрнига номзодлар рўйхатида "Ливерпуль" мураббийи Юрген Клопп ва ҳозир ишсиз Юлиан Нагельсманн ҳам бор.