Польша терма жамоаси бош мураббийи Фернанду Сантуш жамоанинг Евро-2024 саралашида омадсиз ўйини туфайли истеъфога чиқмоқчи эмас.
Бешта ўйиндан сўнг Польша олти очко жамғариб, 4-ўринни эгаллаб турибди. Жамоа охирги уч учрашувда икки марта мағлуб бўлди.
"Сиз ишдан бўшатиш ҳақида федерация президентидан сўрашингиз керак. Мен истеъфога чиқмоқчи эмасман. Ўйлайманки, ҳаммаси ўз қўлимизда ва Польша ҳам еврога чиқиш учун плей-оффда ўйнаши мумкин.
Мен барчамиз каби мухлисларнинг ҳафсаласи пир бўлганини тушунаман. Биз ўтиш босқичидамиз, мен жамоа билан атиги тўққизта машғулот ўтказдим", - деди Сантуш.
