"Лион" Лоран Бланни бош мураббий лавозимидан бўшатишга қарор қилди.
L’Equipe нашри хабарига кўра, 57 ёшли мутахассисга бу ҳақда жума куни маълум қилинган. Бугунги машғулотларни Бланнинг мураббийлар штабида бўлган Жан-Франсуа Вулье олиб борди.
Айтиш жоизки, “Лион” Франция чемпионатининг дастлабки тўрт турида атиги бир очко қўлга кирита олди. Айни дамда Лига 1 турнир жадвалида сўнгги ўринни айнан "тўқувчилар" эгаллаб турибди. Халқаро танаффус олдидан сўнгги ўйинда “Лион” “ПСЖ”га йирик ҳисобда ютқазди – 1:4.
Эслатиб ўтамиз, Лоран Бланнинг “Лион” билан шартномаси 2024 йилнинг июнь ойи охиригача амал қилади.
