Португалия терма жамоаси бош мураббийи Роберто Мартинес 2024 йилги Европа чемпионати саралаш босқичи доирасидаги Люксембургга (9:0) қарши ўйин натижаларини сарҳисоб қилди.

“Мен учун бу душанба куни бошланган ишнинг давоми эди. Словакия билан ўйиндан кейин ўйинимизни яхшилашга мажбур бўлдик, чунки футболчилар билан кўпроқ вақт ўтказдик. Бугун ҳисоб 4:0 ёки 5:0 бўлганида жамоа 0:0 бўлгандагидек ўйинни давом эттиргани мени хурсанд қилди. Бу ўйинчиларнинг қадриятларини ва жамоага ҳурмат муҳимлигини кўрсатади.

Биламизки, мағлубиятсиз қолиш ҳар доим қийин, аммо бунга эришиш мумкин. Машғулотлардаги меҳнат ва футболчиларнинг фидойилигини кўрсангиз, уларнинг муносабатидан жуда мамнунман. Шунга ўхшаш натижаларни кутишимиз мумкин, чунки барчага маълумки, футболчиларнинг сифати энг юқори даражада", - дея Мартинеснинг сўзларини келтиради УЕФА расмий сайти.