"Ювентус" ярим ҳимоячиси Поль Погбанинг агенти Рафаэла Пимента футболчининг допинг-тести ижобий чиқиши билан боғлиқ вазиятга изоҳ берди.
“Биз қарши таҳлиллар натижаларини кутмоқдамиз ва уларни олмагунимизча ўз фикримизни билдира олмаймиз. Аниқ нарса шундаки, Поль Погба ҳеч қачон ҳеч қандай қоидаларни бузишга интилмаган", - дея функционердан иқтибос келтиради RMC Sport.
11 сентябрь куни Погба А Сериянинг 1-турида “Удинезе”га қарши ўйиндан сўнг (3:0) допинг-тестдан ижобий ўтгани маълум бўлди. 30 ёшли франциялик футболчининг танасида тестостерон миқдори ортгани аниқланган.
"Ювентус" ярим ҳимоячининг антидопинг қоидаларини бузгани учун дисквалификациясини тасдиқлади.
