«Реал» ҳимоячиси Дани Карвахаль Чемпионлар лигасидаги 5 та ғалабаси ҳақида гапирди.
«Буни такрорлаш имконсиз. Мен ҳар доим айтаманки, вақт ўтиши билан ўзим эришган ютуқларни янада кўпроқ қадрлайман.
Баъзан уйқуга кетишдан олдин бу ҳақда ўйлай бошлаганимда, бу ютуғимдан нақадар хурсанд бўлишимни тушунаман.
Эҳтимол, мен «Реал Мадрид» тарихининг ажралмас қисми бўлгандирман», - деди «қироллик» клуби фахрийси.
Эслатиб ўтамиз, Карвахаль 2013 йилда Мадрид жамоасига қайтган эди. Чемпионлар лигасининг бешта олтин медалидан ташқари (2014, 2016-2018, 2022) Испания Ла Лигасида у уч марта ғалаба қозонган.
