Мураббий Женнаро Гаттузо Францияда ўзини синаб кўришга тайёр.
“Лион” яқинда ишдан бўшатилган Лоран Блан ўрнига ўринбосар қидирмоқда. Январь ойи охирида Испаниянинг “Валенсия” клубини тарк этганидан бери ишсиз қолган Гаттузо бу лавозимга асосий номзод сифатида аниқланган эди. RMC Sport хабарига кўра, италиялик мутахассис аллақачон "Лион"ни бошқаришга рози бўлган ва томонлар ҳамкорлик шартларини келишиб олган. Энди ҳаммаси клуб хўжайини Жон Тексторнинг якуний қарорига боғлиқ.
“Лион” тўрт турдан сўнг бир очко билан Лига1 да сўнгги ўринда бормоқда. 17 сентябрь куни жамоа ўз майдонида "Гавр"ни қабул қилади.
