Франция терма жамоаси вингери Кингсли Коман допинг-тестдан ўта олмаган ҳамюрти Поль Погба билан боғлиқ можарога жавоб қайтарди.
“Биз ҳаммамиз Полни қўллаб-қувватлаймиз. Погба менинг яқин дўстим, мен уни яхши биламан. Унинг бу ишни атайлаб қилганига ишонмайман", - деди қанот ҳужумчиси.
Аввалроқ, Италия чемпионатининг 1-туридан ўрин олган Туриннинг “Ювентус” – “Удинезе” учрашувидан сўнг Погба допинг-тестдан ижобий ўтгани маълум бўлган эди. Франциялик ярим ҳимоячи тез орада унинг танасида тақиқланган дорилар бор-йўқлиги учун қайта текширувдан ўтади.
