Май ойида Лондоннинг “Челси” клуби эквадорлик футболчи Кендри Паэс билан шартнома имзолагани ҳақида хабар берган эдик, у яқинда 16 ёш 4 ойлигида ўз мамлакати терма жамоасида дебют қилган ва Уругвай терма жамоаси билан қарама-қаршиликда голли узатма ҳам амалга оширганди.
Жанубий Америкада Паэсдан олдин терма жамоада дебют қилган биргина футболчи бор - бу Диего Армандо Марадона, Аргентина терма жамоаси сафида ўн олти ёшу уч ойлигида дебют қилган.
Ажойиб дриблинг қобилиятига эга бўлган Паэс 2025 йилнинг июлидан бошлаб "Челси" футболчисига айланади. У ҳозирда "Индепендьенте дел Валле" клуби аъзоси.