"ПСЖ" ҳужумчиси Килиан Мбаппе ярим ҳимоячи Марко Верраттининг Қатарнинг "Ал-Арабий" клубига ўтиши ҳақида фикр билдирди.

“Ажойиб футболчи ва инсон. Шу йиллар давомида ёнингизда бўлиш шарафига муяссар бўлганимдан хурсандман. Бу ердаги вақтингиз ҳеч қачон унутилмайди ёки эътибордан четда қолмайди. Мен кўрган энг яхши ўйинчилардан бири. РАҲМАТ дўстим, сизни жуда соғинаман”, - деб ёзди Мбаппе ижтимоий тармоқда.

Верратти 2012 йилнинг июлидан бери "ПСЖ"да ўйнаб келаётган эди. У 416 та учрашувда майдонга тушиб, 11 та гол урди ва 61 та голли узатмани амалга оширди.