"Арсенал" ярим ҳимоячиси Мартин Эдегор клуб билан янги шартнома имзолашга яқин турибди.
"Канонирлар"нинг норвегиялик футболчи билан шартномани узайтириш нияти ёзда маълум бўлганди. AFCADMEN хабарига кўра, ярим ҳимоячининг янги шартномаси 2027 йилнинг ёзига қадар амал қилади ва келишув яна бир мавсумга автоматик равишда узайтириш имкониятини ҳам ўз ичига олади. Томонлар барча тафсилотларни яқин орада ҳал қилишлари мумкин, аммо келишув кейинроқ расман эълон қилиниши кутилмоқда.
Мартин Эдегорнинг "Арсенал" билан амалдаги шартномаси 2025 йилгача мўлжалланган. Жорий мавсумда лондонликларнинг 24 ёшли сардори бешта учрашувда иккита гол урди.
