"Челси"нинг ўнг қанот ҳимоячиси Рис Жеймс "Реал Мадрид"нинг қизиқишлари рўйхатида қолмоқда.
"Қироллик клуби" 23 ёшли футболчининг муваффақиятларини анчадан буён кузатиб келмоқда, бироқ бу масала ҳозирча аниқ музокараларгача етиб бормаган. Diario AS нашрининг янгиланган хабарига кўра, "Реал Мадрид" яқин икки йил ичида Жеймсни ўз сафига жалб қилмоқчи. Англиялик футболчи Ла Лига гигантининг ўнг қанот ҳимояси учун асосий мақсади ҳисобланади.
Рис Жеймс 2006 йилдан бери "Челси" тизимида ўйнамоқда. "Кўклар"нинг асосий жамоаси учун латерал 148 ўйин ўтказиб, 11 гол ва 20 голга ассистентлик қилган. Transfermarkt портали мутахассислари ҳозирда жароҳат олган футболчининг нархини 65 миллион еврога баҳоламоқда.
