"Манчестер Сити" бош мураббийи Роберто Манчини ўз жамоаси Чемпионлар лигаси гуруҳ босқичи сўнгги турида Дортмунднинг "Боруссия" жамоасига 0:1 ҳисобида мағлубиятга учраганидан сўнг фикрлари билан ўртоқлашди.
"Европа лигасида қатнашиш имкониятини айнан бугун қўлдан чиқардик деб ўйламайман. Биз бу имкониятни олдинроқ йўқотдик. Биз Евролигада қатнаша олмаймиз, бундан хафа бўлишимиз керак. Ўтган йили Чемпионлар лигасида яхшироқ қатнашган эдик, деб ўйлайман. аммо бу йил қийин гуруҳга тушиб қолдик. Агар дастлабки икки-уч турда хато қилсангиз, кейинги турларда буни тузатиш қийин бўлади. Албатта бу бизга Примьер-лигада ишимизни осон қилиши мумикн, аммо Европа лигасида қатнашишни истаган эдик. Бу бугунги кечадаги мақсадимиз эди", - дея Манчинининг сўзларини келтиради чет эл ОАВ.