"Ювентус", "Интер", "Бавария" ва "Барселона" клубларининг собиқ ярим ҳимоячиси Артуро Видаль "Реал"га қарши ўйинларда ноҳақ ҳакамликни бошидан кечирганини айтди.
36 ёшли чилилик футболчи профессионал фаолияти давомида 16 марта "Реал"га қарши тўқнаш келган ва икки марта қизил карточка олган.
Энг катта можарога Видалнинг 2017 йилда Чемпионлар лигаси чорак финалида “Бавария” таркибида Мадридга қарши ўйинда майдондан четлатилиши сабаб бўлган эди.
"Баъзида "Реал"га қарши қайси ўйинда у ёки бу баҳсли вазиятлар содир бўлганига ишончим комил эмас. "Реал"га қарши ўйинда фаолиятимда шунчалик кўп ноҳақликка дуч келганманки, баъзида вазиятларни унутиб қўяман. Улар жамоаларимга кўп марта ноҳақлик қилишди", - деди Видаль Mundo Deportivo билан суҳбатда.
