Ливияда "Даниэль" бўрони кенг кўламли сув тошқини келтириб чиқарди, энг кўп зарар кўрган Дерна шаҳри бўлди.

Ливия футбол федерациясининг маълум қилишича, фалокат натижасида мамлакат элит дивизионида тўп сурган тўрт нафар футболчи - Шохин Ал-Жамил, Мондер Садакий ва ака-ука Солиҳ ва Аюба Сасилар ҳалок бўлган. BBC Sport Africa нашрининг хабар беришича, ҳалок бўлган бешинчи футболчи - Иброҳим Ал-Казири.

Маҳаллий "Дарнес" жамоасининг стадиони жиддий шикастланган.

Шунингдек, федерация жаҳон чемпионати саралаш босқичига тайёргарлик кўриш мақсадида яқин кунларга режалаштирилган ўйинларни тўхтатиб қўйишини маълум қилди.

Ливиядаги бир қатор клублар тошқин қурбонларига ёрдам бериш учун гуманитар ташаббусларни амалга оширди, жумладан, жабрланган ҳудудларга асбоб-ускуналар ва озиқ-овқат колонналарини жўнатишди.

Дерна мэри Абдулманам ал-Гайити жабр кўрганлар сони 18 мингдан 20 минггача етиши мумкинлигини айтди. Расмий маълумотларга кўра, қурбонлар сони 8 мингдан ошади.