"Реал Мадрид" футболчилари жинсий алоқа видеосини тарқатишда гумонланиб ҳибсга олинди.

Mundo Deportivo нашрининг хабар беришича, Испания фуқаролик гвардияси Мадрид клуби тизимидаги уч нафар футболчини ҳибсга олган. Улардан иккитаси "Кастилья"да, яна бири эса "Реал Мадрид C"да ўйнайди.

Терговни Лас-Пальмас полицияси олиб бормоқда. Бу вояга етмаган қизнинг онаси томонидан 6 сентябрь куни берилган аризадан кейин бошланган. Аёлнинг таъкидлашича, гумонланувчилардан бири қизининг шаҳвоний видеосини ёзиб олиб, кейин уни тарқатган.

Айбланувчиларнинг исм-шарифлари ошкор этилмаган, бироқ бу можарога бошқа футболчилар, жумладан, асосий жамоа футболчилари ҳам алоқадор бўлиши мумкинлиги қайд этилган.