Аргентина терма жамоасининг собиқ ярим ҳимоячиси Хуан Роман Рикельме замонавий футболни ёқтирмаслигини тан олди.

"Замонавий футболдан унчалик мамнун эмасман... Ҳозир ўйнай олмасдим. 4-3-3 схемасида қаерга жойлашишимни билмайман. Мен бундан 20 йил олдин, 10-рақам мавқеи ҳануз мавжуд бўлган пайтда туғилганимдан бахтиёрман", - дея Рикельменинг сўзларини келтиради ESPN.

Рикельме профессионал фаолиятини 1997 йилда “Бока Хуниорс”да бошлаган. У Испаниянинг “Барселона” ва “Вильярреал” клубларида ҳам ўйнаган. У Аргентина терма жамоаси сафида 51 та ўйин ўтказиб, 17 та гол урган.