"Манчестер Сити" бош мураббийи Пеп Гвардиола операциядан кейинги саломатлиги ҳақида гапирди.

“Мен яхшиланиб бормоқдаман. Шифокор яхши иш қилди ва мен ҳар ҳафта босқичма-босқич яхшиланиб бораман деб ўйлайман", - деди Гвардиола "Манчестер Сити" матбуот хизматига.

Август ойи охирида инглиз клуби матбуот хизмати 52 ёшли испаниялик шошилинч операция учун Барселонага учиб кетгани ҳақида хабар берганди. Гвардиола жамоанинг иккита ўйинини ўтказиб юборди - "Шеффилд Юнайтед" (2:1) ва Лондоннинг "Фулхэм" (5:1) жамоаларига қарши ўйинларда қатнашмади. Унинг йўқлигида Хуан Лильо бош мураббий вазифасини бажарди.

Амалдаги мамлакат чемпиони “Манчестер Сити” тўрт турдан сўнг максимал очко тўплади ва Англия Премьер-лигаси турнир жадвалида пешқадамлик қилмоқда. 16-сентябрь, шанба куни “шаҳарликлар” Англия чемпионатининг 5-тури доирасида Лондоннинг “Вест Хэм” жамоасини қабул қилишади.