"Челси" бош мураббийи Маурисио Почеттино марказий ҳимоячи Трево Чалобанинг жорий мавсумдаги режаларида эканлигини айтди. Эслатиб ўтамиз, ўтган ёзда инглиз футболчисига "Бавария" ва "Ноттингем Форест" каби клублар қизиқиш билдирганди.
"Чалоба "Челси"нинг режаларининг бир қисмими? Албатта. Мен кўп қарорлар учун жавобгарман. У менинг режаларимда бўлади, буни мен учун ҳеч ким ҳал қила олмайди. У қачон ўйнайди? Аввал у тикланиши керак, кейин мен қарор қабул қилишим керак. У ҳам ҳамма каби имкониятларга эга бўлади”, - деди аргентиналик мутахассис.
Чалоба бир неча ҳафта олдин олган жароҳатидан фориғ бўлгани учун ҳали ўйинларда иштирок эта олмайди.