"Chelsi" bosh murabbiyi Maurisio Pochettino markaziy himoyachi Trevo Chalobaning joriy mavsumdagi rejalarida ekanligini aytdi. Eslatib o‘tamiz, o‘tgan yozda ingliz futbolchisiga "Bavariya" va "Nottingem Forest" kabi klublar qiziqish bildirgandi.
"Chaloba "Chelsi"ning rejalarining bir qismimi? Albatta. Men ko‘p qarorlar uchun javobgarman. U mening rejalarimda bo‘ladi, buni men uchun hech kim hal qila olmaydi. U qachon o‘ynaydi? Avval u tiklanishi kerak, keyin men qaror qabul qilishim kerak. U ham hamma kabi imkoniyatlarga ega bo‘ladi”, - dedi argentinalik mutaxassis.
Chaloba bir necha hafta oldin olgan jarohatidan forig‘ bo‘lgani uchun hali o‘yinlarda ishtirok eta olmaydi.
